×

Live on

रेडियो अर्थ सरोकार

Listen to live radio.

एलआईसीका कर्मचारीहरुको तलब १७ प्रतिशतले बढ्यो

PRIME CA
GLOBAL IME BANK

एलआईसीका कर्मचारीहरुको तलब १७ प्रतिशतले बढ्यो

४ चैत्र २०८०, आईतवार

पढ्न लाग्ने समय: १ मिनेटभन्दा कम

काठमाडौँ । भारतीय बीमा कम्पनी एलआईसीले कर्मचारीको तलब १७ प्रतिशतले वृद्धि गरेको छ । कम्पनीले सन् २०२२ अगस्टदेखि मान्य हुनेगरी कर्मचारीहरुको तलब वृद्धि गरेको हो । योसँगै अब एलआईसीका कर्मचारीहरुले आगामी महिनादेखि वृद्धि भएको तलब पाउनेछन् ।

तलब वृद्धि गर्ने कम्पनीको प्रस्तावलाई भारतको केन्द्र सरकारले अनुमति प्रदान गरेसँगै अब कम्पनीलाई वार्षिक ४ हजार करोड भारतीय रुपैयाँ आर्थिक भार पर्नेछ ।

त्यस्तै, सन् २०१० अप्रिल १ देखि नियुक्त भएका २४ हजार कर्मचारीहरुको राष्ट्रिय पेन्सन प्रणालीमा योगदान १० प्रतिशतबाट १४ प्रतिशत पुगिसकेको छ । साथै सरकारले पारिवारिक पेन्सनकर्ताहरुको मात्रा बढाएको र यसबाट २१ हजारभन्दा बढी पेन्सनमा आश्रित परिवार लाभान्वित भएको कम्पनीले जनाएको छ । यसले एलआईसीसँग जोडिएका कर्मचारी तथा पेन्सनकर्तामा सकारात्मक प्रवाभ पर्ने कम्पनीले विश्वास गरेको छ ।

त्यस्तै, कम्पनीले भविष्यमा नयाँ पुस्ताका लागि एलआईसीलाई आकर्षक रोजगार केन्द्र बनाउने लक्ष्यसमेत लिएको भारतीय सञ्चारमाध्यमहरुले जनाएका छन् ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: