काठमाडौं । साताको कारोबारको अन्तिम दिन बिहीबार सेयर बजार मापक नेप्से परिसूचक बढेको छ । बुधबारको तुलनामा नेप्से परिसूचक ४.७८ अंकले बढेर २०३५.६४ बिन्दुमा पुगेको हो ।

नेप्सेमा कुल ३ सय १३ कम्पनीको ६६ लाख १४ हजार ४ सय ४५ कित्ता सेयर खरिदबिक्री हुँदा २ अर्ब ६५ करोडमाथिको सेयर कारोबार भएको छ ।

आज सबैभन्दा बढी कारोबार सर्वोत्तम सिमेन्टको भएको छ । यस कम्पनीको १९ करोड ३७ लाख ६२ हजार ८ सय ६९ रुपैयाँ ७० पैसा बराबरको सेयर कारोबार भएको छ ।

यस्तै, बिहीबारको सेयर बजारमा सबैभन्दा बढी नाफा हिमालयन उर्जा विकास कम्पनीका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा सर्बोत्तम सिमेन्ट, हिमालयन हाइड्रोपावर, समलिंग पावर लिमिटेड, पिपुल्स पावर र रिभर फल्स पावरका लगानीकर्ताहरु पनि मालामाल भएका छन् । हेर्नुहोस् बिहीबारको सेयर बजारमा सबैभन्दा धेरै नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार सर्वोत्तम सिमेन्टको भएको छ । यस कम्पनीको १९ करोड ३७ लाख ६२ हजार ८ सय ६९ रुपैयाँ ७० पैसा बराबरको सेयर कारोबार भएको छ । यस अलावा गुर्खाज फाइनान्स, शिवम् सिमेन्ट, सोनापुर मिनिरल्स एण्ड आयल लिमिटेड, पिपुल्स पावर लिमिटेड र रिभर फल्स पावरमा पनि अत्याधिक कारोबार भएको छ । हेर्नुहोस् बिहीबारको सेयर बजारमा सबैभन्दा धेरै कारोबार गर्ने कम्पनीहरुको सूचीः

यस्तै बिहीबारको सेयर बजारमा उन्नति सहकार्य लघुवित्तका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको थियो । उन्नति सहकार्य लघुवित्तमा यस्तो गिरावट आउँदा धौलागिरी लघुवित्त वित्तीय संस्था, हिमालयन ८०-२०, जोशी हाइड्रोपावर र मैलुङ्ग खोला जलविद्युतमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः