काठमाडौँ । दाइजोमा सुनको सिक्री नपाएपछि विवाहको मण्डपबाट भाग्ने बेहुला पक्राउ परेका छन् । पक्राउ पर्नेमा बाराको कलैया उपमहानगरपालिका–४, सिनेमा चोकका उमेश साह रहेका छन् ।

बेहुली पक्षले दाइजोमा सुनको सिक्री नदिएको भन्दै उनी विवाहको मण्डपबाटै भागेका थिए । शाहलाई पर्सा प्रहरीले पक्राउ गरेको हो ।

प्रहरीका अनुसार पक्राउ परेका शाह वीरगन्ज महानगरपालिकाको स्वास्थ्य शाखामा कार्यरत कम्प्युटर अपरेटर हुन् । उनलाई बेहुली पक्षले दाइजोमा १२ लाख नगद, मोटरसाइकल‌ बापत ३ लाख २५ हजार, ल्यापटप, सुनको औंठी र हनुमानको माला दिएका थिए । तर, उनले माग गरे अनुसार सुनको सिक्री नपाएपछि उनी मण्डपबाटै फरार भएका थिए ।