काठमाडौँ । प्रधानमन्त्री पुष्पकमल दाहाल ‘प्रचण्ड’ ले रवि लामिछाने निर्दोष भएको बताएका छन् । आज संसदलाई सम्बोधन गर्दै उनले यस्तो बताएका हुन् ।

उनले सहकारी प्रकरणमा लामिछाने कतै पनि दोषी नदेखिएको दाबी गरेका छन् ।

काँग्रेसले भने रवि लामिछानेको राजिनामा मागेको छ ।

‘सुशासन कायम गर्ने सवालमा म कुनै पनि सम्झौता गर्दिनँ । यसमा आफ्नो पार्टी र अरुको पार्टी भन्ने आग्रह र पूर्वाग्रह मैले राख्दिनँ । यदि अनुसन्धानबाट कैफियत देखिएमा कसैलाई पनि कारबाही गर्न कुनै पनि कुराले रोक्ने छैन ।’ सदनमा सम्बोधन गर्दै प्रचण्डले भने- ‘हालसम्मको अनुसन्धानले उहाँ सहकारीको सञ्चालक समिति, लेखा समिति, ऋण समिति, कर्मचारीलगायत कुनै पनि जिम्मेवारी र भूमिकामा नरहेको र अदालतमा विचाराधीन मुद्दामा पनि कहीँ कतै जोडिएको देखिएको छैन ।’