काठमाडौँ । प्रहरी महानिरीक्षक (आईजीपी) बसन्त कुँवरले सहकारी ठगी प्रकरणमा गृहमन्त्री रवि लामिछानेको संलग्नता नभेटिएको बताएका छन् । बुधबार बसेको राज्य व्यवस्था तथा सुशासन समितिको बैठकमा बोल्दै आईजीपी कुँवरले यस्तो बताएका हुन् ।

उनले बैठकमा नेपाली काँग्रेसका सांसद दिलेन्द्र बडु लगायतले सहकारी ठगीमा गृहमन्त्रीको संलग्नताबारे उठाएको प्रश्नअनुसार गृहमन्त्रीको संलग्नता नभेटिएको स्पष्ट पारेका छन् ।

आईजीपी कुँवरले गृहमन्त्री रवि लामिछानेको नाममा आएको ठाडो उजुरी दर्ता भएको र अनुसन्धान पनि गरेको उल्लेख गर्दै प्रहरीको अनुसन्धानमा सहकारी ठगी प्रकरणमा उजुरीमा भनिएजसरी गृहमन्त्रीको संलग्नता नदेखिएपछि कानूनको दायरामा पनि पर्ने अवस्था नआएको बताएका छन् ।