काठमाडौँ । पछिल्लो ७ महिनामा नेपालमा ८ खर्ब बढी विप्रेषण आप्रवाह (रेमिट्यान्स) भित्रिएको छ । नेपाल राष्ट्र बैंकका अनुसार चालु आर्थिक वर्षको साउनदेखि माघसम्म नेपालमा ८ खर्ब ३९ अर्ब रेमिट्यान्स भित्रिएको हो । जुन गत आर्थिक वर्षको तुलनामा २१.६ प्रतिशत बढी रहेको राष्ट्र बैंकले जनाएको छ ।

अघिल्लो आर्थिक वर्षको सोही अवधिमा नेपालको रेमिट्यान्स २७.१ प्रतिशतले बढेको थियो । अमेरिकी डलरमा विप्रेषण आप्रवाह १९.१ प्रतिशतले वृद्धि हुँदा ६ अर्ब ३१ करोड पुगको छ । अघिल्लो वर्ष यस्तो आप्रवाह १६.४ प्रतिशत रहेको थियो ।

समीक्षा अवधिमा वैदेशिक रोजगारीका लागि श्रम स्वीकृति लिने नेपालीको संख्या २ लाख ४७ हजार १२ जना पुगेको छ । त्यस्तै, १ लाख ५८ हजार ५ सय ४० जनाले पुनः श्रम स्वीकृति लिएका छन् ।