काठमाडौँ । बझाङमा माध्यामिक शिक्षा (एसइई)को प्रश्न पत्र बाहिरिएको छ । बझाङको शान्ती उच्च माध्यामिक विद्यालय र बान्निचौर स्रोत केन्द्रबाट नेपाली विषयको प्रश्न पत्र बाहिरिएको हो ।

शुक्रबार नेपाली विषयको परीक्षा सुरु भएको केही समयमै प्रश्न पत्र बाहिरिएको थियो ।

सामाजिक सञ्जालमा भाइरल भइरहेका ती प्रश्नपत्रमा बझाङको ठेगानासहितको प्रवेश पत्रसमेत देखिएको छ । फोटोमा विद्यार्थीको प्रवेश पत्रसमेत देखिएकोले उक्त प्रश्नपत्रको फोटो विद्यार्थीले नै खिचेर आउट गरेको स्रोत केन्दले दाबी गरेको छ ।

सिराहामा पनि प्रश्न पत्र आउट
यता शुक्रबार सिराहाबाट पनि नेपाली विषयको प्रश्न पत्र बाहिरिएको थियो । सिराहामा त परीक्षा सुरु भएको १० मिनेटमै प्रश्न पत्र आउट भएको थियो । परीक्षा समयमै प्रश्न पत्र आउट भएपछि अब के गर्ने भन्ने विषयमा छलफल भइरहेको जनाइएको छ । उद्यपि परीक्षा भने सञ्चालन भइरहेको छ ।