काठमाडौं। मंगलबार सेयर बजार मापक नेप्से परिसूचक दोहोरो अंकले बढेको छ । आइतबारको तुलनामा नेप्से परिसूचक ५८.५८ अंकले बढेर २१११.२४ बिन्दुमा पुगेको हो ।

नेप्सेमा कुल ३०५ कम्पनीको १ करोड ६ लाख ९ हजार ५ सय ९७ कित्ता सेयर खरिद बिक्री हुँदा ४ अर्ब ५५ करोडमाथिको सेयर कारोबार भएको छ ।

आज सबैभन्दा बढी कारोबार शिवम् सिमेन्टको भएको छ । यस कम्पनीको ३७ करोड १९ लाख ३३ हजार ७ सय ८६ रुपैयाँ बराबरको सेयर कारोबार भएको छ ।

यस्तै मंगलबारको सेयर बजारमा सबैभन्दा बढी नाफा जनउत्थान सामुदायिक लघुवित्तका लगानीकर्ताले कमाएका छन् । यस कम्पनीहरुको सेयर मूल्यमा पोजेटिभ सर्किट लागेको हो । यस अलवा उन्नति सहकार्य लघुवित्त वित्तीय संस्था, विन नेपाल लघुवित्त वित्तीय संस्था, स्वाभिमान लघुवित्त वित्तीय संस्था, जाल्पा सामुदायिक लघुवित्त वित्तीय संस्था र सपोर्ट माइक्रोफाइनान्स लघुवित्त वित्तीय संस्थाका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा धेरै नाफा गर्ने कम्पनीहरुको सूचीः

यसैबीच मंगलबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको ३७ करोड १९ लाख ३३ हजार ७ सय ८६ रुपैयाँ बराबरको सेयर कारोबार भएको छ । यस अलावा सोनापुर मिनिरल्स एण्ड आयल लिमिटेड, सन नेपाल लाइफ इन्स्योरेन्स, हिमालयन रिइन्स्योरेन्स, माउनटेन इनर्जी नेपाल र हिमालयन डिष्टिलरीमा पनि अत्याधिक कारोबार भएको छ । हेर्नुहोस् मंगलबारको सेयर बजारमा सबैभन्दा धेरै कारोबार गर्ने कम्पनीहरुको सूचीः

यस्तै मंगलबारको सेयर बजारमा हिमालयन ८०-२०का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य २ प्रतिशतभन्दा धेरैले घटेको हो । हिमालयन ८०-२० मा यस्तो गिरावट आउँदा मोलुङ्ग हाइड्रोपावर, न्यादी हाइड्रोपावर, हाथवे इन्भेस्टमेन्ट र चिरख्वा हाइड्रोपावरमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः