काठमाडौँ । साताको कारोबारको तेस्रो दिन मंगलबार सेयर बजार मापक नेप्से परिसूचक बढेको छ । सोमबारको तुलनामा नेप्से परिसूचक १०.१४ अंकले बढेर २०४१.७० बिन्दुमा पुगेको हो ।

नेप्सेमा कुल ३ सय १० कम्पनीको ६८ लाख ४२ हजार ३ सय ९२ कित्ता सेयर खरिदबिक्री हुँदा २ अर्ब ३५ करोडमाथिको सेयर कारोबार भएको छ ।

आज सबैभन्दा बढी कारोबार शिवम् सिमेन्ट लिमिटेडको भएको छ । यस कम्पनीको ९ करोड ३१ लाख ३९ हजार ७० रुपैयाँ १० पैसा बराबरको सेयर कारोबार भएको छ ।

यस्तै, मंगलबार सबैभन्दा बढी नाफा दोल्ती पावर कम्पनीका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा सर्वोत्तम सिमेन्ट, वीन नेपाल लघुवित्त, पिपुल्स पावर लिमिटेड, थ्री स्टार हाइड्रोपावर र रिभर फल्स पावरका लगानीकर्ताहरु पनि मालामाल भएका छन् । हेर्नुहोस् मंगलबारको सेयर बजारमा सबैभन्दा धेरै नाफा गर्ने कम्पनीहरुको सूचीः

यसैबीच मंगलबारको सेयर बजारमा सबैभन्दा बढी कारोबार शिवम् सिमेन्ट लिमिटेडको भएको छ । यस कम्पनीको ९ करोड ३१ लाख ३९ हजार ७० रुपैयाँ १० पैसा बराबरको सेयर कारोबार भएको छ । यस अलावा सोनापुर मिनिरल्स, जोशी हाइड्रोपावर, गुर्खाज फाइनान्स, हिमालयन रिइन्स्योरेन्स र दोल्ती पावरमा पनि अत्याधिक कारोबार भएको छ । हेर्नुहोस् मंगलबारको सेयर बजारमा सबैभन्दा धेरै कारोबार गर्ने कम्पनीहरुको सूचीः

यस्तै मंगलबारको सेयर बजारमा धौलागिरी लघुवित्तका लगानीकर्ताले सबैभन्दा बढी गुमाएका छन् । यस कम्पनीको सेयर ९.३५ प्रतिशतले घटेको हो । धौलागिरी लघुवित्तमा यस्तो गिरावट आउँदा भगवती हाइड्रोपावर, कुमारी धनबृद्धि योजना, लक्ष्मी भ्यालु फण्ड-२ र मानुषी लघुवित्त वित्तीय संस्थामा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः