">
काठमाडौँ । अमेरिकी चर्चित ब्राण्ड एप्पलले ६ सय भन्दा धेरै कर्मचारी बर्खास्त गरेको छ । कम्पनीले कार र स्मार्टवाच डिस्प्ले प्रोजेक्ट नै बन्द गरेपछि त्यहाँ काम गर्ने कर्मचारीहरुलाई निकालेको हो ।
एप्पलले ६ सय भन्दा धेरै कर्मचारी बर्खास्त गरेको जानकारी एप्पलले क्यालिफोर्नियाको रोजगार विकास विभागमा बुझाएको फाइलमा उल्लेख छ ।
अन्तराष्ट्रिय सञ्चारमाध्यमका अनुसार एप्पलले कार परियोजनामा संलग्न कर्मचारी र नेक्स्ट जेनेरेशन स्क्रिन डेभलपमेन्ट प्रोग्राममा गोप्य स्थानमा काम गर्ने कर्मचारीलाई बर्खास्त गरेको हो ।
एप्पलले बन्द गरेको कार प्रोजेक्ट १० वर्ष पूरानो प्रोजेक्ट हो । जसमा कम्पनीले अरबौँ डलर लगानी गरिसकेको छ ।
