काठमाडौँ । काठमाडौँ महानगरपालिकाका एक कर्मचारी पक्राउ परेका छन् । मेयर बालेन्द्र शाह (बालेन)ले १ अर्ब रुपैयाँ खाए भन्दै सामाजिक सञ्जालमार्फत अगर्नल प्रचार गर्ने रामप्रसाद पौडेल पक्राउ परेका हुन् । पौडेललाई नेपाल प्रहरीको साइबर ब्युरोको टोलीले पक्राउ गरेको हो ।
उनीविरुद्ध सम्मित पोखरेलले साइबर ब्युरोमा जाहेरी दिएका थिए । सामाजिक सञ्जालमार्फत मेयर शाहको चरित्र हत्या गरेको आरोपमा परेको जाहेरीका आधारमा पौडेललाई पक्राउ गरेको प्रहरीले जनाएको छ ।
पौडेल यसअघि पुष २६ गते महानगरद्वारा निलम्बनमा परेका थिए । हाल पक्राउ परेका पौडेलविरुद्ध जिल्ला अदालत काठमाडौँमा साइबर अपराधमा मुद्दा दायर गरिएको छ ।
