काठमाडौं। प्रहरीको केन्द्रीय अनुसन्धान ब्युरो (सीआईबी) का प्रहरी उपरीक्षक (एसपी) होबिन्द्र बोगटीले सीआईबीमा आईपोमार्फत ठगी भएका उजुरी परेको बताएका छन् । काठमाडौंमा आयोजित लेखा व्यवसायीहरूको तेस्रो राष्ट्रिय सम्मेलनमा बोल्दै एसपी बोगटीले यस्तो बताएका हुन् ।
उनले वित्तीय विवरणमा छेडखानी गरेर बजारलाई म्यानुपुलेट गर्ने काम भएको भन्दै उजुरीहरू परेको बताएका छन् । ती उजुरीहरूमाथि सीआईबीले अध्ययन गरिरहेको बोगटीले बताए ।
साथै, बोगटीले कम्पनीको वित्तीय विवरणमा हुने छेडखानी नियन्त्रण गर्न लेखा व्यवसायीहरूको भूमिका पनि महत्वपूर्ण हुने भन्दै आफ्नो अधिकार प्रयोग गरेर अध्ययनलाई थप सूक्ष्म बनाउन पनि आग्रह गरेका छन् ।
नेपाल चार्टर्ड एकाउन्टेन्ट्स संस्था (आइक्यान) को आयोजनामा बिहीबारदेखी तेस्रो लेखा व्यवसायी सम्मेलन काठमाडौंमा आयोजना गरिएको छ ।
