काठमाडौं। सरकारले मंगलबार सार्वजनिक बिदा दिने निर्णय गरेको छ । कतारका अमिर शेख तमिम बिन हमाद अल थानीको नेपालको राजकीय भ्रमणका आउने भएपछि सरकारले मंगलबार सार्वजनिक बिदा दिने निर्णय गरेको हो ।
सिंहदरबारमा सोमबार भएको मन्त्रिपरिषद् बैठकले कतारका अमिरले बैशाख ११ देखि गर्ने नेपालको राजकीय भ्रमणको अवसरमा भोलि सार्वजनिक बिदा दिने निर्णय गरेको सञ्चार तथा सूचना प्रबिधि मन्त्री रेखा शर्माले जानकारी दिइन् ।
कतारका अमिरले नेपालको दुईदिने औपचारिक भ्रमण गर्न लागेका हुन्।
अमिरको यो भ्रमणबाट कतार र नेपालबीचको आत्मीय सम्बन्ध अझ सुमधुर हुनका साथै पारस्परिक सहयोग एवं सहकार्यका क्षेत्र विस्तारमा मद्दत पुग्ने विश्वास गरिएको छ ।
