काठमाडौँ । माध्यामिक शिक्षा परीक्षा (एसइई)मा चिट चोर्न प्रयोग गरिएका करिब ३ हजार मोबाइल विद्यार्थीलाई फिर्ता गरिएको छ । जिल्ला प्रशासन कार्यालय रौतहटले जिल्लाका विभिन्न परीक्षा केन्द्रबाट जफत गरेका ३ हजार मोबाइल सेट सम्बन्धित विद्यार्थीलाई फिर्ता गरेको हो ।
परीक्षा अवधिमा विद्यार्थीले ती मोबालहरु चिट चोर्नका लागि प्रयोग गरेको जिल्ला प्रशासन कार्यालयले जनाएको छ ।
परीक्षा हलमा मोबाइलको प्रयोग गरेरै चिट चोरेको व्यापक गुनासोपछि चेकिङ्ग गर्ने क्रममा ती मोबाइलहरु बजारमद गरिएको थियो । इलाका प्रहरी कार्यालय चन्द्रनिगापुरमार्फत बरामद गरिएका मोबाइल सेटहरु शनिबार सम्बन्धित विद्यार्थीहरुलाई फिर्ता गरिएको हो ।
