काठमाडौं । साताको कारोबारको चौथो दिन बुधबार सेयर बजार मापक नेप्से परिसूचक घटेको छ । मंगलबारको तुलनामा नेप्से परिसूचक १०.७१ अंकले घटेर २०२५.३० बिन्दुमा पुगेको हो ।

नेप्सेमा कुल ३ सय ८ कम्पनीको ८६ लाख ९६ हजार ९ सय १८ कित्ता सेयर खरिदबिक्री हुँदा ३ अर्ब ४८ करोडमाथिको सेयर कारोबार भएको छ ।

आज सबैभन्दा बढी कारोबार हिमालयन रिइन्स्योरेन्स लिमिटेडको भएको छ । यस कम्पनीको १२ करोड ५४ लाख ८८ हजार १३ रुपैयाँ २० पैसा बराबरको सेयर कारोबार भएको छ ।

त्यस्तै, बुधबारको सेयर बजारमा सबैभन्दा बढी नाफा माण्डु  हाइड्रोपावरका लगानीकर्ताले कमाएका छन् । यस कम्पनीको सेयर मूल्य ९ प्रतिशत भन्दा धेरैले बढेको हो ।