काठमाडौं ।  कक्षा १२ को प्रश्नपत्र बेचेको आरोपमा दुई जना पक्राउ परेका छन् । पक्राउ पर्नेमा कास्कीको पोखरा महानगरपालिका-११ फूलबारीका ३९ वर्षीय नारायण बाँस्तोला र सोही ठाउँका ३७ वर्षीय रामचन्द्र बाँस्तोला रहेका छन् ।

जिल्ला प्रहरी कार्यालय कास्कीका अनुसार उनीहरुले आइतबार सम्पन्न भएको सामाजिक शिक्षा विषयको प्रश्नपत्र आउट गरेका थिए । उनीहरुले सामाजिक शिक्षा विषयको प्रश्नपत्र विद्युतीय माध्यमबाट आउट गरेका थिए ।

प्रहरीले उनीहरुको साथबाट कक्षा १२ को ८ थान उत्तरपुस्तिका र ३ थान मोबाइल बरामद गरेको छ ।

शिक्षा ऐन, २०२८ अन्तर्गतको कसुरमा उनीहरूमाथि अनुसन्धान अघि बढाइएको प्रहरीले जनाएको छ ।