×

Live on

रेडियो अर्थ सरोकार

Listen to live radio.

laxmi sunrise bank

सहकारी ठगीः श्रममन्त्री डिपी अर्यालमाथि पनि छानविन गर्न माग

काठमाडौँ । नेपाली काँग्रेसका सांसद रामकृष्ण यादवले श्रममन्त्री डिपी अर्यालमाथि सहकारी ठगीमा छानविन गर्न माग गरेका छन् । उनले हाम्रो नयाँ कृषि सहकारी संस्थामा भएको ठगीमा मुछिएको भन्दै श्रम, रोजगार तथा सामाजिक सुरक्षामन्त्री अर्यालमाथि छानविन गर्न माग गरेका हुन् ।

मंगलबार प्रतिनिधिसभाको बैठकमा बोल्दै सांसद यादवले सहकारी ठगीमा अर्यालमाथि छानविन गर्न संसदीय समितिको मागसमेत गरेका छन् ।

त्यस्तै, उनले उक्त सहकारीमा बचतकर्ताको करिब ४ करोड बढी रकम हिनामिनामा अर्यालमात्रै नभएर राष्ट्रिय स्वतन्त्र पार्टी (रास्वपा)का सहमहामन्त्री कविन्द्र बुर्लाकोटीकोसमेत मिलेमतो देखिएको आरोप लगाएका छन् ।

बुर्लाकोटी सञ्चालक हुँदा नै उक्त सहकारीमा गोर्खा मिडिया नेटवर्कका अध्यक्ष गितेन्द्रबाबु राई (जिबी राई)लाई श्रममन्त्री अर्यालसहितले अस्वभाविक प्रवेश गराएको आरोप लागेकोले पनि छाविन गर्न सांसद यादवले माग गरेका छन् । साथै सहकारी ठगी प्रकरणको छानविनलाई प्रभावित पार्न सरकार नै लागि परेको आरोप लगाउँदै उनले गृहमन्त्री रवि लामिछाने, श्रममन्त्री डिपी अर्याल लगायतमाथि छानविन गर्न संसदीय समिति बनाउनुपर्ने माग गरेका छन् ।

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: