काठमाडौं । नयाँ वर्षको पहिलो कारोबारको दिन आइतबार सेयर बजार मापक नेप्से परिसूचक घटेको छ । नेप्से परिसूचक २.३५ अंकले घटेर २०२३.३५ बिन्दुमा पुगेको हो ।

नेप्सेमा कुल ३ सय २० कम्पनीको ७७ लाख ९५ हजार ३३ कित्ता सेयर खरिदबिक्री हुँदा ३ अर्ब ६ करोडमाथिको सेयर कारोबार भएको छ ।

आज सबैभन्दा बढी कारोबार सानिमा माई हाइड्रोपावरको भएको छ । यस कम्पनीको २१ करोड ४७ लाख ८९ हजार ७ सय ४५ रुपैयाँ बराबरको सेयर कारोबार भएको छ ।

त्यस्तै, आइतबारको सेयर बजारमा सबैभन्दा बढी नाफा श्रीजनशिल लघुवित्त वित्तीय संस्थाका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा एनआइसी एशिया लघुवित्त वित्तीय संस्था, दोल्ती पावर कम्पनी, राप्ती हाइड्रो एण्ड जेनेरल कनस्ट्रकशन, मिथिला लघुवित्त र कालिका लघुवित्त वित्तीय संस्थाका लगानीकर्ताहरु पनि मालामाल भएका छन् । हेर्नुहोस् आइतबारको सेयर बजारमा सबैभन्दा धेरै नाफा गर्ने कम्पनीहरुको सूचीः

यसैबीच आइतबारको सेयर बजारमा सबैभन्दा बढी कारोबार सानिमा माई हाइड्रोपावरको भएको छ । यस कम्पनीको २१ करोड ४७ लाख ८९ हजार ७ सय ४५ रुपैयाँ बराबरको सेयर कारोबार भएको छ । यस अलावा पोखरा फाइनान्स, ङ्गादि ग्रुप पावर, सुर्यज्योति लाइफ इन्स्योरेन्स, हिमालयन रिइन्स्योरेन्स र एनआइसी एशिया लघुवित्त वित्तिय संस्थामा पनि अत्याधिक कारोबार भएको छ । हेर्नुहोस् आइतबारको सेयर बजारमा सबैभन्दा धेरै कारोबार गर्ने कम्पनीहरुको सूचीः

यस्तै आइतबारको सेयर बजारमा विन गुराँस लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा नेगेटिभ सर्किट लागेको हो। गुराँस लघुवित्त वित्तीय संस्थामा यस्तो गिरावट आउँदा हिमालयन ८०-२०, तेर्हथुम पावर कम्पनी, तारागाउँ रिजेन्सी होटल र ग्लोबल आइएमई ब्यालेन्स फण्ड-१ मा पनि उच्च गिरावट देखिएको छ । हेर्नुहोस् आइतबारको सेयर बजारमा सबैभन्दा बढी गुमाउने कम्पनीहरुको सूचीः