">
काठमाडौँ । नेपाल बैंकर्स संघका अध्यक्ष सुनिल केसीले बैंकहरुको ब्याजदर अझै घट्ने बताएका छन् । काठमाडौँमा आयोजित पत्रकार सम्मेलनमा सञ्चारकर्मीसँग कुराकानी गर्दै अध्यक्ष केसीले बैंकहरुको ब्याजदर अझै घट्ने बताएका हुन् ।
पछिल्लो केही महिनायता निरन्तर ब्याजदर घट्दा पनि कर्जा लगानी नबढेको भन्दै ब्याजदर अझै घट्ने केसीले बताए ।
‘ब्याजदर घटिरहेको छ, आधार दर निकै तल झरिसकेको छ । तर, सोचे अनुसार कर्जा विस्तार भएन ।’, उनले भने, ‘विश्वव्यापारी रुपमा पनि ब्याजदर घट्दो छ, नेपालमा पनि अझै घट्छ ।’
अध्यक्ष केसीले अहिले घर कर्जा, विद्युतीय कर्जा र उत्पादनमूलक क्षेत्रको कर्जा एकल अंकमा झरिसकेको भन्दै अन्य कर्जाको ब्याजदर पनि एक अंकमा नै आउने दाबीसमेत गरेका छन् ।
त्यस्तै, उनले स्थानीय तहको पैसा निक्षेपमा गणना गर्न नपाउने अर्थ मन्त्रालयको निर्देशनले बैंकहरुलाई समस्या हुने उल्लेख गरेका छन् । अर्थको यस्तो निर्देशनसँगै बैंकिङ प्रणालीबाट एकै दिनमा ६५ अर्ब रुपैयाँ घटेको पनि केसीले बताएका छन् ।
