काठमाडौँ । नेपालमा टिकटक बन्द हुँदा टेलिकम कम्पनीहरुले करिब ३ अर्ब रुपैयाँ गुमाएका छन् । सरकारले गत कात्तिक २७ गते टिकटक बन्द गर्ने निर्णय गरेपछि हाल (चैत)सम्म टेलिकम सेवा प्रदायक कम्पनीहरुले करिब ३ अर्ब रुपैयाँ आम्दानी गुमाएका हुन् ।
काठमाडौँमा प्रविधि पत्रकार मञ्च (टीजेएफ)ले आयोजना गरेको कार्यक्रममा आफ्नो प्रस्तुती दिँदै एनसेलका लिगत तथा रेगुलेटरी अफिसर विशाल उपाध्यायले यस्तो जानकारी दिएका छन् ।
उपाध्यायका अनुसार नेपालमा टिकटक बन्द भएपछि पछिल्लो पाँच महिनामा मात्रै एनसेलले १ अर्ब ४४ करोड रुपौयँ आम्दानी गुमाएको छ ।
यता सरकारी टेलिकम सेवा प्रदायक कम्पनी नेपाल टेलिकम (एनटिसी)ले पनि पछिल्लो ५ महिनामा एनसेलकै बराबर आम्दानी गुमाएको छ । यसअवधिमा एनटिसीले १ अर्ब ३० करोड रुपैयाँ आम्दानी गुमाएको नेपाल टेलिकमका वरिष्ठ इन्जिनियर मधुसुदन दाहालले जानकारी दिएका छन् ।
