">
काठमाडौँ । नेपाल सरकारले एक सय रुपैयाँको नोटमा लिपुलेक र कालापानीको भूभागसहितको नेपालको नयाँ नक्सा राख्ने निर्णय गरेकोमा भारतले असन्तुष्टि जनाएको छ । एक कार्यक्रममा पत्रकारले सोधेको प्रश्नको जवाफ दिँदै भारतीय विदेशमन्त्री एस जयशंकरले नेपालले एकतर्फी निर्णय गरेको भन्दै त्यसले धरातलीय यथार्थ परिवर्तन नहुने भन्दै टिप्पणी गरेर असन्तुष्टि जनाएका छन् ।
‘हाम्रो धारणा स्पष्ट छ, नक्सा परिवर्तन भए पनि धरातलीय यथार्थ परिवर्तन हुँदैन ।’ प्रश्नको जवाफ दिँदै उनले भनेका छन् ।
गत बिहीबार बसेको नेपाल सरकारको मन्त्रिपरिषद बैठकले एक सय रुपैयाँको नोटमा अहिलेको नक्साको ठाउँमा लिपुलेक र कालापानीसहितको चुच्चे नक्सा राख्ने निर्णय गरेको थियो ।
सरकारको निर्णय रभारतको प्रतिक्रियाले राजनीतिक मोड लिनसक्ने जानकारहरुको ठम्याई छ ।
