">
काठमाडौँ । सीडीएस एण्ड क्लियरिङ लिमिटेड (सीडीएससी)ले पुँजीगत लाभकर नै अन्तिम कर कायम गर्न सुझाव दिएको छ । सरकारले आगामी आर्थिक वर्ष २०८१/८२ को बजेटका लागि मागेको सुझावमा सीडीएससीले सेयर बजारमा पुँजीगत लाभकरलाई अन्तिम कर कायम गर्न सुझाव दिएको हो ।
त्यस्तै, सीडीएससीले विगतमा मर्जर तथा एक्विजिसनपछि सेयर कारोबारमा सेयरधनीलाई दिइएको कर छुटलाई कायम राख्न पनि सुझाव दिएको छ ।
यसका साथै सीडीएससीले सेयर बजारमा लाग्ने करमा नीतिगत स्थिरता कायम गर्न पनि सरकारलाई सुझाव दिएको छ । करमा हुने नीतिगत परिवर्तनका कारण सेयर लगानीकर्ताको मनोबल कमजोर हुनुका साथै बजारलाई चलायमान हुन असहज हुने भन्दै सीडीएससीले करमा नीतिगत स्थिरता कायम गर्न पनि सरकारलाई सुझाव दिएको छ ।
यता नेपाल स्टक एक्सचेञ्ज (नेप्से)ले भने बजेटमार्फत नेप्सेको पुनर्संरचना गर्नुपर्ने तथा नेप्सेको आईपीओ जारी गर्नुपर्ने सुझाव दिएको छ ।
