काठमाडौँ । राजस्व अनुसन्धान विभागका महानिर्देशकमा चक्र बहादुर बुढा नियुक्त भएका छन् । विभागमा कार्यरत महानिर्देशक नवराज ढुंगानाको परराष्ट्र मन्त्रालयमा सरुवा गरेर बुढालाई नियुक्ति दिईएको हो ।

ढुंगाना गत असार २०८० विभागको महानिर्देशकमा नियुक्त भएका थिए । महानिर्देशक भएपछि राजस्व अनुसन्धान विभागले भन्सारबाट बाहरिएको ६१ किलो सुन सिनामंगलबाट पक्राउ गरेपछि उनी चर्चामा आएका थिए ।

अहिले उनको सरुवा भएको हो । उनलाई कलकत्ताको महावाणिज्य दूतको जिम्मेवारी दिएर पठाउने तयारी छ ।

अमेरिकन कम्पनी कोटिभिटीविरुद्ध कर छलीको मुद्दा चलाएपछि उनी थप चर्चामा थिए ।