काठमाडौँ । कान्तिपुर पब्लिकेसनका अध्यक्ष कैलाश सिरोहियालाई तीन दिन हिरासतमा राख्न अदालतले अनुमति दिएको छ । बुधबार जिल्ला अदालत धनुषाले सिरोहियालाई ३ दिन हिरासतमा राख्न अनुमति दिएको हो । 

मंगलबार काठमाडौँको थापाथलीस्थित कान्तिपुरको कार्यालयबाटै पक्राउ परेका सिरोहियालाई बुधबार जिल्ला अदालत धनुषा लगिएको थियो । 

अदालतमा दुवै पक्षको बहस सुनेपछि न्यायाधीश चुरामन खड्काको एकल इजलासले सिरोहियालाई तीन दिन हिरासतमा राखेर अनुसन्धान गर्न अनुमति दिएको हो । 

सिरोहियालाई दोहोरो नागरिकता लिएको आरोपमा पक्राउ गरिएको हो । उनलाई मंगलबार नै जिल्ला प्रहरी कार्यालय धनुषा लगिएको थियो । सिरोहियाको पक्राउपछि नेपाली कांग्रेस तथा मिडिया सोसाईटीले आपत्ति जनाएको छ ।