काठमाडौं। आइतबार चार लघुवित्तको सेयर मूल्यमा पोजेटिभ सर्किट लागेको छ । नेरुडे मिर्मिरे लघुवित्त, सामुदायिक लघुवित्त, आत्मनिर्भर लघुवित्त र सबैको लघुवित्तमा पोजेटिभ सर्किट लागेको हो ।

चारमध्ये नेरुडे मिर्मिरे र सामुदायिक लघुवित्तको मर्जरपछि नेप्सेमा सूचीकृत भएको पहिलो कारोबार दिनमै पोजेटिभ सर्किट लागेको हो ।

आइतबार नेरुडे मिर्मिरे लघुवित्तको सेयर मूल्य ९.९९ प्रतिशतले बढेर ६४६ रुपैयाँ ६० पैसा कायम भएको छ । त्यस्तै, सामुदायिक लघुवित्तको सेयर मूल्य पनि ९.९९ प्रतिशतले बढेर ९७२ रुपैयाँ ३० पैसा कायम भएको छ ।

त्यस्तै, सबैको लघुवित्तको सेयर मूल्य १० प्रतिशतले बढेर एक हजार ३४ रुपैयाँ कायम भएको छ । आत्मनिर्भर लघुवित्तको पनि १० प्रतिशतले बढेर २ हजार ४ सय ६ रुपैयाँ ८० पैसा कायम भएको छ ।

पछिल्लो समय अरु सेक्टरको तुलनामा लघुवित्तको सेयरमा लगानीकर्ताको आकर्षण बढेको छ ।