">
काठमाडौँ । पछिल्लो १० महिनामा नेपालमा करिब साढे १५ लाख मोबाइल भित्रिएका छन् । भन्सार विभागले सार्वजनिक गरेको तथ्याङ्कअनुसार चालु आर्थिक वर्षको वैशाखसम्ममा नेपालमा १५ लाख २८ हजार ६ सय ४४ थान मोबाइल भित्रिएका हुन् ।
जबकी चालु आर्थिक वर्षको चैतसम्ममा नेपालमा विभिन्न देशबाट १३ लाख ९१ हजार ८ सय ४५ थान मोबाइल आयात भएको थियो ।
भन्सार विभागको तथ्यांक अनुसार बैशाखमा मात्रै १ लाख ३६ हजार ७ सय ९९ थान मोबाइल नेपाल आयात भएको छ । जसमध्ये सबैभन्दा धेरै मोबाइल चीनबाट आयात गरिएको भन्सार विभागले जनाएको छ ।
चीनपछि सबैभन्दा धेरै मोबाइल भारतबाट आयात गरिएको छ । भारतबाट मात्रै बैशाखसम्म ७ अर्ब ८१ करोड २४ लाख रुपैयाँ बराबरको मोबाइल आयात गरिएको छ । भन्सार विभागको तथ्याङ्क अनुसार नेपालमा चीन र भारतसहित विभिन्न ६१ मुलुकबाट मोबाइल आयात भएको देखिएको छ ।
