">
काठमाडौँ । नेपाल राष्ट्र बैंकले नेपाल इन्भेष्टमेन्ट मेगा बैंकसहित ४ वाणिज्य र २ विकास बैंकलाई कारवाही गरेको छ । राष्ट्र बैंकको सुपरीवेक्षण विभागले आर्थिक वर्ष २०८०-८१ को तेस्रो त्रयमासमा ऐन तथा निर्देशन पालना नगरेका ४ वाणिज्य बैंक र २ विकास बैंकलाई कारवाही गरेको हो ।
राष्ट्र बैंकको कारवाहीमा पर्नेमा नेपाल इन्भेष्टमेन्ट मेगा बैंक, प्राइम कमर्सियल बैंक, कुमारी बैंक, लक्ष्मी सनराइज बैंक, लुम्बिनी विकास बैंक र एकसेल डेभलपमेन्ट बैंक रहेका छन् ।
नेपाल इन्भेष्टमेन्ट मेगा बैंकले राष्ट्र बैंकबाट जारी एकीकृत निर्देशन विपरीत कार्य गरेको, केही कर्जाहरूको जोखिम भारित सम्पत्तिलाई कम देखाई पुँजीकोष गणना गरेको जस्ता गतिविधिका कारण कारवाहीमा परेको हो ।
त्यस्तै, प्राइम कमर्सियल बैंक र कुमारी बैंकले कर्जा सापटको वर्गीकरण नगरेको, कर्जा नोक्सानी वापत कायम गर्नुपर्ने व्यवस्था कायम नगरेका कारण कारवाहीमा परेका हुन् ।
यता लक्ष्मी सनराइज बैंक, लुम्बिनी विकास बैंक र एकसेल डेभलपमेन्ट बैंकले पनि राष्ट्र बैंकको ऐन तथा निर्देशनको पालना नगरेका कारण कारवाहीमा परेका छन् । यस्तो छ सूचना:
