">
काठमाडौँ । साताको कारोबारको तेस्रो दिन मंगलबार सेयर बजार मापक नेप्से परिसूचक सामान्य अङ्कले बढेको छ । कारोबारको अघिल्लो दिनको तुलनामा आज नेप्से परिसूचक २.०६ अङ्कले बढेर १९६०.८१ बिन्दुमा पुगेको हो ।
मंगलबार नेप्सेमा कुल ३ सय १४ कम्पनीको ५० लाख ६४ हजार ३८ कित्ता सेयर खरिदबिक्री हुँदा २ अर्ब १४ करोडमाथिको सेयर कारोबार भएको छ ।
आज सबैभन्दा बढी कारोबार पोखरा फाइनान्स लिमिटेडको भएको छ । यस कम्पनीको ८३ करोड २२ लाख ३ हजार २ सय २३ रुपैयाँ ७० पैसा बराबरको सेयर कारोबार भएको छ ।
त्यस्तै, सोमबारको सेयर बजारमा सबैभन्दा बढी नाफा हिमालय लघुवित्त वित्तिय संस्थाका लगानीकर्ताले कमाएका छन् । यस कम्पनीको सेयर मूल्य ९ प्रतिशत भन्दा धेरैले बढेको छ ।
यसैगरी आज बोटलर्स नेपाल (तराई)का लगानीकर्ताले सबैभन्दा धेरै घुमाएका छन् । यस कम्पनीको सेयर मूल्य ६.२३ प्रतिशतले घटेको छ ।
