काठमाडौं। साताको कारोबारको अन्तिम दिन बिहीबार सेयर बजार मापक नेप्से परिसूचक झिनो अंकले बढेको छ । बुधबारको तुलनामा नेप्से परिसूचक ०.७९ अंकले बढेर २०१८.७६ बिन्दुमा पुगेको हो ।
नेप्सेमा कुल ३ सय १५ कम्पनीको ८२ लाख ८२ हजार ५ सय ५६ कित्ता सेयर खरिदबिक्री हुँदा ४ अर्ब २३ करोडमाथिको सेयर कारोबार भएको छ ।
आज सबैभन्दा बढी कारोबार सीइडीबी हाइड्रोपावरको भएको छ । यस कम्पनीको ४३ करोड ९० लाख ५७ हजार ७ सय ३४ रुपैयाँ २० पैसा बराबरको सेयर कारोबार भएको छ ।
बिहीबारको सेयर बजारमा सबैभन्दा बढी नाफा हिमालयन लघुवित्त वित्तीय संस्थाका लगानीकर्ताले कमाएका छन् ।
