काठमाडौँ । नेपाल स्टक एक्सचेञ्ज (नेप्से)ले सरकारलाई नेप्सेको पुनर्संरचना गर्नुपर्ने सुझाव दिएको छ । आगामी आर्थिक वर्ष २०८०/८१ को बजेटका लागि सुझाव पेश गर्दै नेप्सेले स्वयम् आफ्नो पुनर्संरचना आवश्यक रहेको औँल्याएको हो ।
सेयर बजार सुधारका लागि सरकारले सेयर बजारका नियामक निकायसँग माग गरेको सुझावमा नेप्सेले आफ्नो पुनर्संरचनाको विषयलाई मूल सुझावका रुपमा पेश गरेको छ ।
त्यस्तै, बजेटमा नेप्सेको प्राथमिक सेयर (आईपीओ) जारी गर्नुपर्ने पनि सुझाव दिइएको छ । नेप्सेको पुनर्संरचना र आईपीओ जारी गर्ने विषयमा अर्थमन्त्री वर्षमान पुन सकारात्मक रहेको बुझिएको छ ।
