">
काठमाडौँ । सरकारले आज आगामी आर्थिक वर्षको नीति तथा कार्यक्रम सार्वजनिक गर्ने भएको छ । मंगलबार ३ बजेका लागि बोलाइएको प्रतिनिधि सभा र राष्ट्रिय सभाको संयुक्त बैठकमा राष्ट्रपति रामचन्द्र पौडेलले नीति तथा कार्यक्रम प्रस्तुत गर्नेछन् ।
नीति तथा कार्यक्रम प्रस्तुत गर्ने कार्यसूचीअनुसार संघीय संसदका सबै सदस्यलाई दिउँसो २ः४५ बजेभित्र औपचारिक पोसाकमा उपस्थित भइसक्न पनि भनिएको छ ।
मंगलबार नीति तथा कार्यक्रम प्रस्तुत भएसँगै प्रस्तुत नीति तथा कार्यक्रममाथि जेठ ३, ४, ६, ७, ८ र ९ गते छलफल हुनेछ । छलफलको अन्तिम दिन भने नीति तथा कार्यक्रम पारित गरिनेछ । नीति तथा कार्यक्रम पारित भएसँगै जेठ १५ गते संघीय संसदमा आगामी आर्थिक वर्ष २०८१ ८२ को बजेट प्रस्तुत गरिनेछ ।
