काठमाडौँ । प्रधानमन्त्री पुष्पकमल दाहाल (प्रचण्ड)ले विश्वासको मत पाएका छन् । सोमबार प्रतिनिधिसभाको बैठकमार्फत प्रधानमन्त्री प्रचण्डले विश्वासको मत पाएका हुन् ।
विश्वासको मत प्राप्त गर्न प्रधानमन्त्रीले राखेको प्रस्तावको पक्षमा कुल १ सय ५७ जनाले मत दिएका छन् भने विपक्षमा १ जनाले मत हालेका छन् ।
प्रधानमन्त्री प्रचण्डले संसदमा नेपाली कांग्रेसको चर्को नाराबाजीकैबीच विश्वासको मत लिएका हुन् ।
नेपाली कांग्रेसले सहकारी ठगी प्रकरणमा उपप्रधान एवम् गृहमन्त्री रवि लामिछानेको संलग्नाबारे छानबिन गर्न संसदीय छानबिन समितिको माग गर्दै संसदमा अवरोध कायम राखेको थियो ।
