काठमाडौँ । प्रधानमन्त्री पुष्पकमल दाहाल (प्रचण्ड)ले सम्पत्ति विवरण सार्वजनिक गरेका छन् ।
प्रचण्डले सार्वजनिक गरेको विवरण अनुसार उनको नाममा एभरेष्ट बैंकमा २५ लाख रुपैयाँ र पाँच तोला सुन रहेको छ ।
त्यस्तै, अचल सम्पत्तिको रुपमा उनकी पत्नी स्व.सीता दाहालको नाममा भरतपुर महानगरपालिकामा १५ कठ्ठा जग्गा र घर रहेको सम्पत्ति विवरणमा उल्लेख छ । उक्त जग्गा पैतृक सम्पत्ति भएको प्रधानमन्त्री प्रचण्डले सम्पत्ति विवरणमा उल्लेख गरेका छन् ।
