काठमाडौँ । उपप्रधान एवम् गृहमन्त्री रवि लामिछानेले नेपाली कांग्रेसका महामन्त्री गगन थापालाई राजनीति छोड्नु नपर्ने भन्दै जवाफ दिएका छन् । आइतबार प्रतिनिधि सभाको बैठकमा बोल्दै रविले गगन थापालाई यस्तो जवाफ दिएका हुन् ।
उनले गगन थापा जत्तिको मान्छे नेपाली राजनीतिलाई चाहिने भन्दै सहकारी ठगी प्रकरणमा आफूविरुद्ध प्रमाण नभेटे पनि राजनीति छोड्नुनपर्ने भन्दै जवाफ फर्काएका हुन् ।
केही दिनअघि गगन थापाले रविले निवेदन नै दिएर सहकारीबाट ऋण लिएको प्रमाण आफूसँग भएको दाबी गर्दा रवि लामिछानेले प्रमाण पेश गर्न र प्रमाणित भए आफूले राजनीति छोड्ने र नभए गगन थापालाई राजनीति छोड्न चुनौति दिएका थिए । सो पश्चात सञ्चारकर्मीसँग प्रतिक्रिया दिँदै गगन थापाले पनि रविको चुनौती स्वीकार गरेका थिए ।
पछिल्लो लामो समयदेखि नेपाली कांग्रेसले सहकारी ठगी प्रकरणमा रवि लामिछानेको संलग्नताबारे संसदीय छानबिन समिति गठन गर्न माग गर्दै आएको छ ।
