काठमाडौँ । जनकपुरमा सहकारी लुटेको आरोपमा दुई जना पक्राउ परेका छन् । जनकपुरधामबाट शुभश्री बचत तथा ऋण सहकारीको ८० लाख रुपैयाँ लुटेको आरोपमा दुई जना पक्राउ परेका हुन् । 

प्रहरीका अनुसार पक्राउ पर्नेमा जनक महतो र श्रवण कापर रहेका छन् । उनीहरुले बैशाख ४ गते सहकारी बैंकबाट रकम झिकेर सहकारीको कार्यालय जाँदै गर्दा संस्थाका कर्मचारी विरेन्द्रकुमार महतोलाई पेस्तोल देखाएर जनकपुरधाम–१९ मा ८० लाख रुपैयाँ लुटेका थिए । 

उक्त लुटमा संलग्नता देखिएपछि प्रहरीले महतो र कापरलाई जनकपुरबाट पक्राउ गरेको हो । पक्राउ परेकाहरुको साथबाट प्रहरीले लुटिएको केही रकमसमेत बरामद गरेको छ ।