काठमाडौँ । सरकारले समस्याग्रस्त सहकारीका सञ्चालकको सम्पत्ति बेचेर बचतकर्ताको रकम फिर्ता गर्ने भएको छ । आगामी आर्थिक वर्षको बजेट पेश गर्दै अर्थमन्त्री वर्षमान पुनले यस्तो घोषणा गरेका हुन् ।

उनले समस्याग्रस्त घोषणा भएका सहकारी संस्थाका सञ्चालकको सम्पत्ति बेचेर ५ लाख रुपैयाँसम्मको बचत फिर्ता गर्ने बताएका छन् । 

त्यस्तै, अर्थमन्त्री पुनले बजेटमार्फत आगामी आर्थिक वर्षमा आवश्यक कानून संशोधन गरी सिद्धान्त र नीतिबमोजिम सहकारी संस्था सञ्चालन गर्ने व्यवस्था गर्नुका साथै सहकारी संस्थाको नियमन तथा निरीक्षण गर्ने नियामक निकाय स्थापना गरिने पनि घोषणा गरेका छन् ।