">
काठमाडौँ । ढाका स्टक एक्सचेन्ज (डिएसई)ले पूँजीगत लाभकर नलिन सरकारलाई सुझाव दिएको छ । आगामी आर्थिक वर्ष २०२४/२५ को बजेटका लागि डिएसईले बंगलादेश सरकारलाई यस्तो सुझाव दिएको हो ।
सरकारले माग गरेको सुझावमा डिएसईले सेयर कारोबारबाट हुने आम्दानीमा लगानीकर्ताबाट लिइने पूँजीगत लाभकर नलिन सरकारलाई आग्रह गरिएको अन्तराष्ट्रिय सञ्चार माध्यमहरुले उल्लेख गरेका छन् ।
त्यस्तै, डिएसईले बंगलादेश सरकारलाई सेयर बजार र लगानीकर्ताको हितमा बजेट ल्याउनुका साथै बजारलाई नकारात्मक असर पार्ने कुनै पनि नीति उल्लेख नगर्न पनि सुझाव दिएको छ ।
यसो त बंगलादेशमा व्यक्तिगत लगानीकर्तालाई सेयर कारोबारमा पूँजीगत लाभकर लाग्दैन । तर, राजस्व विभागले पहिलो पटक व्यक्तिगत लगानीकर्ताले ४० लाखभन्दा बढी आम्दानी गरे पूँजीगत लाभकर लगाउने प्रस्ताव गरेको छ ।
तर, डिएसईले भने उक्त व्यवस्थाले सेयर लगानीकर्ताको मनोबल कम हुने र त्यसले सेयर बजारमा नकारात्मक असर गर्ने भन्दै सेयर कारोबार पूँजीगत लाभकर नलगाउने सुझाव दिएको छ ।
