">
काठमाडौँ । युनाइटेड अजोड इन्स्योरेन्स कम्पनीले हकप्रद सेयर जारी गर्ने भएको छ । कम्पनीको जेठ ९ गते (बुधबार) बसेको सञ्चालक समितिको बैठकले हकप्रद जारी गर्ने निर्णय गरेको हो ।
कम्पनीका अनुसार हाल कायम चुक्ता पूँजीको १००ः१५ अनुपात (१०० कित्ता सेयर बराबर १५ कित्ता सेयर)को हकप्रद सेयर जारी गर्ने भएको छ ।
त्यस्तै, कम्पनीको सञ्चालक समितिको बैठकले हकप्रद सेयर जारी गरी पूँजी वृद्धिको स्वीकृतिका लागि सिफारिससहितको प्रस्तावित पूँजी वृद्धिको योजना नेपाल बीमा प्राधिकरणमा पेश गर्ने निर्णयसमेत गरेको छ ।
कम्पनीको उक्त प्रस्ताव प्राधिकरणबाट स्वीकृत भएपछि कम्पनीको आगामी वार्षिक साधारणसभामा पेश गरिने कम्पनीले जनाएको छ । हकप्रद सेयर जारी गरेपछि कम्पनीको पूँजी २ अर्ब ४१ करोड ५० लाख रुपैयाँ पुग्नेछ ।
