">
काठमाडौँ । अष्ट्रेलियाको सेयर बजार ‘अल टाइम हाई’ नजिक पुगेको छ । अष्ट्रेलियाको अष्ट्रेलियन सेक्युरिटिज एक्सचेञ्जको बेन्चमार्क एयु २०० इन्डेक्स ‘अल टाइम हाई’ नजिक पुगेको हो ।
हाल एयु २०० इन्डेक्स ७८०२ बिन्दुमा रहेको छ ।
एयु २०० इन्डेक्स यसअघि सन् २०२४ मार्चमा ७९०० बिन्दुमा पुगेको थियो । त्यसपछि अष्ट्रेलियाको अर्थतन्त्रमा देखिएको संकुचनपछि बजार अप्रिलमा ७५०० सम्म झरेको थियो । हाल अर्थतन्त्रमा देखिएको सुधारपछि अष्ट्रेलियाको सेयर बजार केही दिनयता बढ्दो ट्रेण्डमा देखिएको छ ।
त्यस्तै, अष्ट्रेलियाको सेयर बजार बढ्नुको मुख्य कारण ब्याजदर रहेको जानकारहरु बताउँछन् । हाल रिजर्व बैंक अफ अष्ट्रेलियाले अर्थतन्त्र चलायमान बनाउन ब्याजदर कटौती गर्ने तयारी गरेको छ । जसको प्रभाव अष्ट्रेलियाको सेयर बजारमा परेको जानकारहरुको भनाई छ ।
हाल ब्याजदर घट्ने हल्लाले मात्रै अल टाइम हाईको नजिक पुगेको अष्ट्रेलियाको सेयर बजार ब्याजदर घटेपछि नयाँ उचाइमा पुग्ने अपेक्षा गरिएको छ । बजार बढ्न थालेपछि अष्ट्रेलियाको सेयर बजारमा लगानी गरेका लगानीकर्ता पनि खुसी भएका छन् ।
