काठमाडौँ । युरोपियन सेन्ट्रल बैंक (ईसीबी)ले पाँच वर्षपछि ब्याजदर घटाएको छ । बैंकले ब्याजदर २५ आधार बिन्दु अर्थात ०.२५ प्रतिशतले घटाएको हो ।
ईसीबीको परिषद्को बैठकले ब्याजदर ४ प्रतिशतबाट घटाएर ३.७५ प्रतिशतमा झारेको छ । ब्याजदरमा गरेको कटौती सन् २०१९ पछि पहिलोपटक हो ।
ईसीबीले गरेको ब्याजदर कटौतीको प्रभाव युरोपका अधिकांश मुलुकको अर्थतन्त्रमा पर्ने विश्वास गरिएको छ । यद्यपि, युरोपमा महँगी नियन्त्रण गर्न भने अझै पनि केन्द्रीय बैंकलाई मुस्किल परेको छ ।
