काठमाडौँ । पूर्वमन्त्री धनराज गुरुङले गाँजाको औषधि बनाएर बेचे २ खर्ब राजस्व उठाउन सकिने बताएका छन् । प्रतिनिधिसभाको बैठकमा बोल्दै गुरुङले गाँजालाई औषधी बनाएर प्रशोधन गर्न सके २ खर्ब राजस्व उठाउन सकिने बताएका हुन् ।
उनले गाँजा खेतीको सन्दर्भमा कानून निर्माण गर्ने विषय पहिलेदेखि नै चलिरहेको उल्लेख गरेका छन् । गाँजामाथि प्रतिबन्ध लगाउनुभन्दा प्रशोधन गरेर औषधि बनाउन सके राज्यलाई आर्थिक नाफा हुने गुरुङको भनाई छ । उनले त्यसतर्फ ध्यान दिन पनि सरकारलाई आग्रह गरेका छन् ।
त्यस्तै, सांसद गुरुङले सत्तामा हुँदा मात्रै देश बनाउने तर प्रतिपक्षमा हुँदा नबनाउने भन्ने भाष्य गलत भएको भन्दै देश बनाउने विषयमा सबैले सहयोग गर्नुपर्ने बताएका छन् ।
राजस्व वृद्धि गर्न गाह्रो छ भने र बसेर नहुने बरु कसरी वृद्धि गर्न सकिन्छ भन्नेतर्फ सरकारले ध्यान दिनुपर्ने पनि गुरुङको भनाई छ । उनले गाँजासँगै घरेलु मदिरा सम्बन्धी पनि कानून निर्माण गरेर व्यवस्थापन गर्न सकेको खण्डमा राज्यलाई थप २ खर्ब राजस्व उठ्ने भन्दै त्यसतर्फ ध्यान दिन पनि गुरुङले ध्यान दिएका छन् ।
