×

Live on

रेडियो अर्थ सरोकार

Listen to live radio.

आर्थिक सुशासन कायम गर्न ५ सय र एक हजारको नोट ‘ब्यान्ड’ गर्नुपर्छः सांसद धनराज गुरुङ 

GLOBAL IME BANK
KAMANA SEWA BIKAS BANK

आर्थिक सुशासन कायम गर्न ५ सय र एक हजारको नोट ‘ब्यान्ड’ गर्नुपर्छः सांसद धनराज गुरुङ 

५ असार २०८१, बुधबार

पढ्न लाग्ने समय: १ मिनेटभन्दा कम

काठमाडौँ । नेपाली कांग्रेसका सांसद धनराज गुरुङले मुलुकमा आर्थिक सुशासन कायम गर्न ५ सय र एक हजार दरका नोट बन्द गर्नुपर्ने बताएका छन् । बुधबार प्रतिनिधि सभाको बैठकमा बजेटमाथिको छलफलमा भाग लिँदै सांसद गुरुङले यस्तो बताएका हुन् । 

‘यो मेरो प्रस्ताव हो, आर्थिक सुशासनका लागि ५ सय र हजारको नोट क्विट गर्न सक्नुपर्छ ।’, उनले भने, ‘आजका दिनमा, यदि आर्थिक सुशासन कायम गर्ने हो भने हामीले ५ सय र हजारका नोट अब क्विट गरेर जान आवश्यक छ ।’  

त्यस्तै, उनले ५ सय र हजारको नोट क्विट गर्न सक्ने हो भने ८० प्रतिशत गैरकानुनी कारोबार रोकिनुका साथै ८० प्रतिशत भ्रष्टाचार नियन्त्रण हुने र ८० प्रतिशत राजश्व चुहावट नियन्त्रण हुने दाबी गरेका छन् । साथै ५ सय र हजारका नोटमाथि प्रतिबन्ध लगाउँदा गैरकानुनी रुपमा आर्जन गरेर सिरानी, खाट र जमिनमुनि राखेका पैसा पनि बाहिर आउने भएकाले अहिलेको अवस्थामा मुलुकमा आर्थिक सुशासन कायम राख्न ५ सय र एक हजार दरका नोटमाथि प्रतिबन्ध लगाउन सांसद गुरुङले सरकारसँग मागसमेत गरेका छन् ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: