">
काठमाडौँ । राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले नेपाल देश भन्दा गितेन्द्रबाबु (जीबी) राई ठूलो भएको बताएका छन् । प्रतिनिधि सभाको बैठकमा बोल्दै सांसद शाहीले सहकारी ठगेर फरार जीबी राईलाई पक्राउ गर्न नसक्नुले देश भन्दा जीबी राई ठूलो भएका बताएका हुन् ।
सांसद शाहीले जहाँ भए पनि जीबी राईलाई पक्राउ गर्छु भनेका गृहमन्त्री रवि लामिछानेलाई जीबी राई कहिले पक्राउ पर्छन् ? भन्दै प्रश्नसमेत गरेका छन् ।
‘जीबी राईलाई सरकारले पक्राउ गर्न सकेन । हामी माग गर्छौं, जीबी राईलाई छिटोभन्दा छिटो पक्राउ गरियोस् ।’, सांसद शाहीले भने, ‘आकाशमा भए पनि, पातालमा भए पनि जीबी राई खोजेर ल्याउँछु भनेर गृहमन्त्रीले भन्नुभाथ्यो, कहिले पक्रिएर ल्याउनुहुन्छ ? हामीले हेरेर बसिराछौँ ।’
त्यस्तै, सांसद शाहीले गृहमन्त्री रवि लामिछानेलाई गिरीबन्धु टि-स्टेट लगायतका अन्य घोटालाका फाइलहरु खोलेर, अनुसन्धान गरी संसदमा जवाफ दिन पनि माग गरेका छन् ।
