काठमाडौं। भारतीय सेयर बजारमा भारी गिरावट आएको छ। बीएसई सेन्सेक्स र नेशनल स्टक एक्सचेन्ज दुवैमा भारी गिरावट आएको हो।
कारोबारको अघिल्लो दिनको तुलनामा मंगलबार बीएसई सेन्सक्स ३ हजार अंक अर्थात् ४.३३ प्रतिशतले घटेको छ । २ बजे बजेसम्म बीएसई सेन्सेक्स ७३ हजार १ सय ५८ बिन्दुमा झरेको छ । सोमबार यो सेन्सेक्स ७६ हजार ५९९ अंकसम्म पुगेको थियो ।
लोकसभा चुनावको नतिजा आउन सुरु भएपछि भारतीय बजारमा गिरावट आएको हो।
त्यस्तै, नेशनल स्टक एक्सचेन्ज (एनएसई) पनि ४.५३ प्रतिशतले घटेको छ । २ बजेसम्मको तथ्यांक अनुसार एनएसई ४.५३ प्रतिशतले घटेर २२२०९.५५ बिन्दुमा पुगेको छ।
