">
काठमाडौँ । काठमाडौँ महानगरपालिकाले न्युरोड, हाँडीगाउँसहित प्राचीन क्षेत्रलाई ‘नो भेइकल जोन’ बनाउने भएको छ । आगामी आर्थिक वर्षको नीति तथा कार्यक्रम प्रस्तुत गर्दै काठमाडौँ महानगरपालिकाका मेयर बालेन्द्र शाह (बालेन)ले यस्तो घोषणा गरेका हुन् ।
उनले प्राचीन क्षेत्र र सम्पदाको संरक्षणका लागि न्युरोड, हाँडीगाउँसहितका प्राचीन क्षेत्रलाई पूर्ण रुपमा सवारीसाधन प्रवेश निषेध क्षेत्र बनाइने घोषणा गरेका हुन् ।
साथै, मेयर शाहले विश्व सम्पदा सूचीमा सूचीकृत क्षेत्रहरुमासमेत सवारी साधन प्रवेशमा निषेध लगाइने घोषणा गरेका छन् । यसका साथै मेयर शाहले विश्व सम्पदा सूचीमा रहेका बौद्ध र स्वयम्भूलाई पनि महानगर अन्तर्गत ल्याएर सञ्चालन, संरक्षण तथा व्यवस्थापन गरिने बताएका छन् ।
त्यस्तै, महानगरले आगामी आर्थिक वर्षमा प्राचीन अस्तित्व बोकेका क्षेत्रहरुमा होमस्टेलाई प्रोत्साह गर्ने पनि नीति लिएको छ ।
