×

Live on

रेडियो अर्थ सरोकार

Listen to live radio.

आम्दानी भन्दा खर्च धेरै भएपछि सरकारी खाता २ खर्ब घाटामा

GLOBAL IME BANK
KAMANA SEWA BIKAS BANK

आम्दानी भन्दा खर्च धेरै भएपछि सरकारी खाता २ खर्ब घाटामा

३१ जेष्ठ २०८१, बिहीबार

पढ्न लाग्ने समय: १ मिनेटभन्दा कम

काठमाडौँ । सरकारी खाता २ खर्ब घाटामा रहेको पाइएको छ । महालेखा नियन्त्रक कार्यालयले सार्वजनिक गरेको तथ्यांकले चालु आर्थिक वर्षको जेठ १८ गतेसम्म सरकारको सञ्चित कोष १ खर्ब ९४ अर्ब रुपैयाँ घाटामा रहेको देखाएको हो ।

सरकारले गर्ने आम्दानी भन्दा खर्च धेरै भएपछि सञ्चित कोष घाटामा गएको महालेखा नियन्त्रक कार्यालयले जनाएको छ ।

चालु आर्थिक वर्षको जेठ १८ गतेसम्म सरकारले राजस्वबाट ८ खर्ब १५ अर्ब रुपैयाँ संकलन गर्दा २ खर्ब ३५ अर्ब रुपैयाँ आन्तरिक ऋण उठाएको छ । चालु आर्थिक वर्ष २०८० ८१ मा सरकारले कुल २ खर्ब ४० अर्ब रुपैयाँ आन्तरिक ऋण उठाउने लक्ष्य लिएको छ ।

त्यस्तै, सरकारले सोही अवधिमा वैदेशिक ऋणबाट ७२ अर्ब १५ करोड रुपैयाँ उठाएको छ भने अनुदानबापत १५ अर्ब ४० करोड रुपैयाँ प्राप्त गरेको छ । यसरी यो वर्ष सरकारले आन्तरिक र वैदेशिक ऋण गरी कुल ३ खर्ब ७ अर्ब रुपैयाँ उठाएको छ ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: