काठमाडौँ । दक्षिण एशियाको सबैभन्दा सानो भुटानको सेयर बजार अल टाइम हाई बिन्दुमा पुगेको छ । पछिल्लो केही महिनायता बुलिस लयमा देखिएको भुटानको सेयर बजार अल टाइम हाई बिन्दुमा पुगेको हो ।

हाल भुटानको रोयल सेक्युरिटिज एक्सचेञ्ज सूचक १५७१.९९ बिन्दुमा पुगेको छ । जुन भुटानको सेयर बजारको हालसम्मकै उच्च बिन्दु हो ।

यसअघि भुटानको सेयर बजार सन् २०२० मे महिनामा ९०४ बिन्दुमा थियो । हाल भुटानको सेयर बजारको पूँजीकरण १ खर्ब ५ अर्ब रुपैयाँ भन्दा धेरै छ । 

त्यस्तै, दक्षिण एशियाको सबैभन्दा सानो भुटानको सेयर बजारसँगै सबैभन्दा ठूलो भारतको सेयर बजार पनि अल टाइम हाईको एरियामा छ । हाल भारतको बिएसई सेक्सेक्स ७७ हजार ३३७ बिन्दुमा छ । बिएसईको बजार पूँजीकरण १५ सय २७ खर्ब २६ अर्ब ९७ करोड भारतीय रुपैयाँ रहेको छ । साथै भारतको निफ्टी–५० पनि अल टाइम हाई नजिक २३ हजार ५२१ बिन्दुमा पुगेको छ ।