">
काठमाडौँ । जहाजभित्र इन्धनको गन्ध आएपछि उड्न ठिक्क परेको श्री एयरलाइन्सको जहाज धावनमार्ग (रनवे) बाटै फिर्ता भएको छ ।
आइतबार त्रिभुवन अन्तराष्ट्रिय विमानस्थलको रनवेमार्फत जहाज फिर्ता भएको हो ।
स्रोतका अनुसार रनवेबाट फर्काइएको श्री एयरलाइन्सको एसएचए २२१ उडान नम्बरको ९एनएएनएस जहाज आइतबार बिहान बिहान धनगढीका लागि ८ः२५ बजे उडिसक्नुपर्ने थियो ।
तर, उडानका लागि रनवेसम्म पुगिसकेको जहाजभित्र इन्धनको गन्ध आएपछि फर्काएको छ । हाल उक्त जहाजको प्राविधिक परीक्षण भइरहेको स्रोतले जनाएको छ ।
विमानस्थल स्रोतले दिएको जानकारी अनुसार जहाजभित्र इन्धनको गन्ध आउनुको कारण ‘लिकेज’ रहेको देखिएको छ । त्यसबारे थप प्राविधिक जाँच भइरहेको छ ।
