काठमाडौं। सोमबार त्रिभुवन अन्तराष्ट्रिय विमानस्थलको उडान प्रभावित हुने भएको छ। अपराह्न १ बजे विमानस्थलमा एयरक्राफ्ट एक्सिडेन्ट इन एयरपोर्ट सम्बन्धि पूर्णकालिन अभ्यास गरिने हुँदा केहि समय उडान प्रभावित हुने भएको हो।
उक्त अभ्यासका कारण आज १ बजेदेखि साढे १ बजेसम्म विमानस्थलको अपरेशन बन्द हुने भएकोले नियमित उडान अवतरण प्रभावित हुन सक्ने प्राधिकरणले जनाएको छ ।
हवाई उडान तथा सुरक्षा र मेडिकल एवं उद्धारसँग सम्बद्ध विभिन्न निकायहरुको सहभागितामा उक्त अभ्यास हुन लागेको हो । अभ्यासको मुख्य उद्देश्य दुर्घटनाको अवस्थामा जनधनको क्षति न्यून गराउने र विमानस्थलको संचालन छिटो भन्दा छिटो सुचारु गराउने रहेको नागरिक उड्डयन प्राधिकरणले जनाएको छ ।
अभ्यासको क्रममा विमानस्थल वरिपरिको आकाशमा कालो धुवाँका साथै दमकल, सुरक्षाकर्मी, एम्बुलेन्स तथा अन्य गतिविधिमा तिव्रता आएको पनि देख्न सकिने जनाईएको छ।
