">
काठमाडौं। सङ्घीय संसद्का दुई ठूला दल नेपाली कांग्रेस र नेपाल कम्युनिष्ट पार्टी (एमाले)ले सत्ता समीकरणका लागि सहमति गरेका छन् । सोमबार राति दुई दलबीच संविधान संशोधनलगायत कार्यसूची सहित सहमतिको नयाँ सरकार बनाउन सहमति भएको हो।
ती दुई दलबीचमा सहमति भएको भनिएको सहमतिको खाका सार्वजनिक भने गरिएको छैन ।
शीर्ष नेताको सहमतिमा सुरुको ढेड वर्ष एमाले अध्यक्ष केपी ओली नेतृत्वमा सरकार बन्ने भएका छन् एमालेले प्रधानमन्त्री, अर्थमन्त्रीसहित ९ वटा मन्त्रालयको नेतृत्व गर्ने भएको छ भने कांग्रेसले गृहमन्त्रीसहित १० वटा मन्त्रालय लिने भएको छ ।
एमालेको भागमा अर्थ मन्त्रालय पर्ने भएसँगै सेयर बजारका लगानीकर्ता पनि उत्साहित भएका छन्। एमालेको सरकार हुँदा सेयर बजार ३२०० बिन्दुमा पुगेको थियो।
